AQSh prezidenti Donald Trump yaqin kunlarda Braziliyadan qahva importiga qo‘yilgan bojlarini qayta ko‘rib chiqishi yoki umuman bekor qilishi mumkin. Bu haqda Zamon.uz ma'lum qildi.
Bu masala payshanba kuni Vashingtonda bo‘lib o‘tadigan uchrashuvda muhokama qilinadi. Unda Braziliya tashqi ishlar vaziri Mauro Vieira va AQSh davlat kotibi Marko Rubio ishtirok etadi.
Manbalarning ta'kidlashicha, bojlarni bekor qilish tashabbusini aynan Rubioning o‘zi ilgari surishi kutilmogda. Sababi, prezident Trump mamlakat ichki bozorida qahva narxini pasaytirish bo‘yicha "tezkor choralar ko‘rishni" talab qilgan.
Diplomatik doiralarda bu qaror ikki davlat o‘rtasidagi savdo aloqalarini mustahkamlashi va qahva narxining AQSh bozorida sezilarli darajada arzonlashishi mumkinligi qayd etilmogda.
