Chirchiq shahrida Cobalt rusumli avtomobilda yong'in sodir bo'ldi. Bu haqda Toshkent viloyati Favqulodda vaziyatlar boshqarmasi xabar berdi.
Xabarda qayd etilishicha, hodisa 14 noyabr kuni soat 20:26 da Amir Temur ko'chasida yuz bergan. Voqea joyiga zudlik bilan yetib borgan yong'in o'chirish va qutqaruv bo'linmalari olovni soat 20:50 da to'liq o'rab olishga erishgan. Hodisa oqibatida tan jarohati olganlar qayd etilmagan. Hozirda yong'inning kelib chiqish sabablari hamda yetkazilgan moddiy zarar miqdori bo'yicha tekshiruv ishlari olib borilmoqda.
