Чирчиқ шаҳрида Cobalt русумли автомобилда ёнғин содир бўлди. Бу ҳақда Тошкент вилояти Фавқулодда вазиятлар бошқармаси хабар берди.
Хабарда қайд этилишича, ҳодиса 14 ноябрь куни соат 20:26 да Амир Темур кўчасида юз берган. Воқеа жойига зудлик билан етиб борган ёнғин ўчириш ва қутқарув бўлинмалари оловни соат 20:50 да тўлиқ ўраб олишга эришган. Ҳодиса оқибатида тан жароҳати олганлар қайд этилмаган. Ҳозирда ёнғиннинг келиб чиқиш сабаблари ҳамда етказилган моддий зарар миқдори бўйича текширув ишлари олиб борилмоқда.
