Eng ommabop kriptovalyuta — bitcoin narxi so‘nggi kunlarda jiddiy qadaydi. 17 noyabr kuni Toshkent vaqti bilan 13:25 holatiga ko‘ra, bir bitcoin 95 638 dollardan savdo qilinmoqda. Bu ko‘rsatkich aktivning joriy yilda qayd etilgan eng yuqori qiymati — 126 ming dollardan deyarli 25 foizga past.
2025 yilning aksar qismida bitcoin barqaror o‘sib borgan, ayniqsa oktyabr oyida narx 125–126 ming dollar oralig‘ida rekord darajalarni ko‘rgandi. Biroq Investing.com ma’lumotlariga ko‘ra, hozir kriptovalyuta kursi bir kunda yana 0,5 foizga arzonlab, taxminan 500 dollarga tushgan.
Shunga qaramay, ayrim ekspertlar bu tushishni xavotirli deb baholamaslikni aytadi. Ularning fikricha, oktyabr–noyabr oylaridagi beqarorlik va investorlar kayfiyatidagi pasayishga qaramay, kriptobozorning uzoq muddatli istiqbollari hanoz ijobiy ko‘rinmoqda.
Bitcoin narxining keskin o‘zgarishi bozorda navbatdagi katta tebranishlar davri boshlanganidan dalolat bermoqda.
