Sud tizimini isloh qilishga qaratilgan Prezident farmoni qabul qilindi.
Endi sud tizimiga aralashish, sudyalarga bosim o‘tkazish va faoliyatiga aralashganlik uchun qonun bo‘yicha keskin chora ko‘riladi.
Sudyaga nisbatan intizomiy jazo qo‘llash tizimi shaffof va adolatli bo‘ladi. Bunda:
- sudyaga nisbatan intizomiy ish ko‘rib chiqishda uning himoyaga bo‘lgan huquqi taqdim etiladi;
- quyi sudyalik lavozimiga o‘tkazish intizomiy jazo chorasi joriy etiladi;
- intizomiy jazo amalda bo‘lgan vaqtda yuqori sudyalik lavozimiga tavsiya etilmaydi;
- sudyani intizomiy javobgarlikka tortish asoslarining mezonlari belgilanadi.
Adolatsiz sud qarorlarini qayta ko‘rib chiqish xalqaro standartlarga asoslanadi - bu sudyalarni asossiz ayblovlardan himoya qiladi.
Sud qonun bilan himoyalangan. Hech kim sudyaga qanday qaror chiqarishni tayinlashga haqli emas.
Bu islohotlar shunchaki qonunlardagi o‘zgarishlar emas. Bu har bir fuqaro uchun tushunarli, tashqi ta’sirdan mustaqil, gender tengligi va ilmiy asoslar bilan muvozanatlashgan tizim orqali bo‘ladi.
Sud har bir kishi qo‘rquv va to‘siqsiz himoyalanishi mumkin bo‘lgan joyga aylanmoqda. Fuqarolarda sud tizimiga bo‘lgan ishonch yanada ortadi.
