Davlat xavfsizlik xizmati, Ichki islar vazirligi hamda Bojxona organlarining hamkorligida Farg‘ona viloyatida giyohvandlik vositalarining noqonuniy savdosi va tarqalishining oldini olishga qaratilgan bir qator tezkor tadbirlar amalga oshirildi. Bu haqda DXX axborot xizmati xabar berdi.
O‘tkazilgan tezkor chora-tadbir davomida Marg‘ilon shahrida yashovchi 1996 yilda tug‘ilgan fuqaroning "Matiz" rusumli avtomobilasi belgilangan tartibda ko‘zdan kechirildi. Tekshiruv jarayonida transport vositasasi salonidan 866 gramm "gashish" moddasi topilib, ashyoviy dalil sifatida rasmiylashtirib olindi.
Dastlabki ma’lumotlarga ko‘ra, gumonlanuvchi mazkur giyohvandlik vositaini sotish orqali noqonuniy daromad olishni rejalashtirgani aniqlangan.
Holat yuzasidan fuqaroga nisbatan O‘zbekiston Respublikasi Jinoyat kodeksining 25 orqali 273-moddasi 5-qismi bilan jinoyat ishi qo‘zg‘atilib, unga nisbatan qamoq ehtiyot chorasi qo‘llandi. Hozirda tergov harakatlari olib borilmoqda.
Yana bir tezkor ma’lumot asosida Farg‘ona va Andijon shaharlarida yashovchi bir guruh shaxslarning kuchli ta’sir qiluvchi dori vositalarini noqonuniy realizatsiya qilib kelayotganliklari aniqlanib, ular Davlat xavfsizlik xizmati, Ichki islar va Bojxona organlari tomonidan Farg‘ona shahrida qo‘lga olindi.
Jarayon davomida Andijon viloyati Qo‘rg‘ontepa tumanida yashovchi ikki nafar shaxs Qirg‘iziston Respublikasidan kontrabanda yo‘li bilan olib kiritilgan 4 508 dona "Regapen" kuchli ta’sir qiluvchi dori vositaini xaridorga 12 800 AQSH dollariga sotayotgan vaqtida qo‘lga olingan.
Mazkur holat yuzasidan ularga nisbatan Jinoyat kodeksining 28 orqali 246-moddasi 1-qismi va 251-prim 1-moddasi 5-qismi bo‘yicha jinoyat ishi qo‘zg‘atilib, qamoq ehtiyot chorasi qo‘llandi. Tergov harakatlari davom etmoqda.
