Isroil hukumatining yosh auditoriyaga ta’sir ko‘rsatishga qaratilgan raqamli kontent yaratish uchun AQShdagi mediakompaniya bilan hamkorlikni yo‘lga qo‘ydi.
Ma’lum qilinishicha, Isroil hukumati Clock Tower X LLC mediakompaniyasi bilan 6 million dollarlik shartnoma imzolagan. Loyiha doirasida TikTok, Instagram, YouTube, podkastlar va boshqa raqamli platformalar uchun kontent tayyorlanadi. Materiallarning kamida 80 foizi Z avlodiga mo‘ljallanishi rejalashtirilgan.
Shuningdek, yangi saytlar ishga tushirish va internet axborot muhitiga ta’sir ko‘rsatishi mumkin bo‘lgan materiallarni e’lon qilish ham ko‘zda tutilmoqda. Qayd etilishicha, bu jarayon sun’iy intellekt tizimlari, jumladan ChatGPT kabi platformalarning javoblariga ham bilvosita ta’sir qilishi mumkin.
Loyiha doirasida sezgir mavzular yuzasidan muayyan axborot kontekstini shakllantirish, shuningdek, sun’iy intellekt tomonidan ma’lumotlarni talqin qilish va taqdim etish uslubini Isroil pozitsiyasi foydasiga yo‘naltirish maqsad qilingan.
