Mashhur videoo‘yinlar ishlab chiqaruvchisi, Call of Duty seriyasi mualliflaridan biri Vins Zampella Kaliforniyada sodir bo‘lgan dahshatli yo‘l-transport hodisasida vafot etdi.
The Guardian’ning xabar berishicha, 55 yoshli Vins Zampella 21 dekabr kuni Kaliforniya shtatining San-Gabriel tog‘larida yuz bergan avariya qurboni bo‘lgan. U boshqargan qizil Ferrari yuqori tezlikda tunneldan chiqib, beton to‘siqqa urilib, yongan. Avtomobilda bo‘lgan yo‘lovchi ham keyinchalik shifoxonada vafot etgan.
Zampella videoo‘yinlar sanoatidagi taniqli shaxslardan biri bo‘lib, u Respawn Entertainment rahbari va Infinity Ward studiyasining hammuassisi hisoblangan. Aynan shu studiyada dunyoda eng ko‘p sotilgan Call of Duty o‘yinlar seriyasi yaratilgan. Shuningdek, u Medal of Honor va Titanfall kabi mashhur loyihalarda ham ishtirok etgan.
Vins Zampella 1990-yillarning o‘rtalarida faoliyatini boshlab, keyinchalik EA Games kompaniyasida Battlefield harbiy o‘yinlar seriyasi rahbari sifatida ishlagan. Uning o‘yin industriyasiga qo‘shgan hissasi yuqori baholanishib, Call of Duty o‘yinlari bugunga kelib jahon bo‘ylab 500 milliondan ortiq nusxada sotilgan.
EA kompaniyasi bayonotida Zampellaning videoo‘yinlar sanoatiga ta‘siri ulkan ekani, uning ijodi millionlab o‘yinchilar va dasturchilarni ilhomlantirgani ta’kidlangan.
