Sirdaryo viloyati Guliston shahrida ko‘p qavatli uy xonadonlaridan birida yong‘in sodir bo‘ldi. Ijtimoiy tarmoqlarda tarqalgan “qo‘lbola pechka portladi” mazmunidagi xabarlar tasdiqlanmadi.
Bugun, 23 dekabr kuni soat 08:34 da Guliston shahri “Obod yurt” MFY hududidagi ko‘p qavatli uylardan birida yong‘in kelib chiqqan. Yong‘in-qutqaruv ekipajlari hodisa joyiga soat 08:37 da yetib borib, yong‘in soat 08:40 da o‘rab olingan va 08:47 da to‘liq o‘chirilgan.
Ma’lum qilinishicha, gaz-havo aralashmasining chaqnashi sodir bo‘lmagan. Yong‘in oqibatida xonadonning 15 kvadrat metr maydonida ichki jihozlar yonib zararlangan. Dastlabki taxminlarga ko‘ra, hodisa elektromanasidagi qisqa tutashuv sabab yuzaga kelgan. Hodisa natijasida tan jarohati olganlar yo‘q.
