Turkiyaning "Fenerbahche" klubi prezidenti Sadettin Saran topshirgan narkotik moddalar bo‘yicha test ijobiy natija ko‘rsatdi. Bu haqda TRT Haber xabar berdi.
Nashr ma’lumotlariga ko‘ra, Sadettin Saran xorijiy safardan qaytgach, tergov doirasida so‘roqqa chaqirilgan. O‘tkazilgan tekshiruvlarda narkotik modda izlari uning sochlarida aniqlandi, biroq qon tahllilarida bunday moddalar topilmagan. Mazkur holat bo‘yicha hujjatlar Istanbul prokuraturasiga yuborilgan.
TRT Haberning yozishicha, Turkiyada joriy yil oktyabr oyidan buyon giyohvand moddalar savdosiga qarshi keng ko‘lamli tekshiruvlar olib borilmogda. Ushbu tergovlar doirasida bir qator jurnalistlar, aktyorlar va bloggerlar ham qo‘lga olingan.
Ma’lumot uchun, ayni vaqtda "Fenerbahche" Turkiya Superligasi turnir jadvalida 39 ochko bilan ikkinchi o‘rinni egallab turibdi va yetakchi "Galatasaroy"dan 3 ochkoga ortda qolmogda.
