Nyu-York shahar politsiyasi (NYPD) ijtimoiy tarmoqlarda “Grinch” — Rojdestvo sovg‘alarini o‘g‘irlaydigan mashhur qahramonni qidiruvga bergani haqida hazilomuz e’lon joyladi. Unda “jinoyatchi”ni aniqlashga yordam beradigan ma’lumot uchun 10 ming dollar mukofot taklif etilgan.
Politsiya ma’lum qilishicha, ushbu e’lon real jinoyat bilan bog‘liq emas, balki bayram oldidan aholi kayfiyatini ko‘tarish va jamoatchilik bilan yaqin aloqani mustahkamlash maqsadida tayyorlangan. Hazil tarigasidagi “xabar”da Grinch 24 dekabrgacha o‘tar kechasi bolalarning archa ostidagi sovg‘alarini o‘g‘irlab ketgani, bu holat go‘yoki kuzatuv kameralarida qayd etilgani aytiladi.
NYPD bayramlar arafasida bunday ijodiy postlar bilan chiqishi bilan avval ham e’tibor qozongan. Grinch obrazi esa bolalar yozuvchisi Doktor Syuz tomonidan yaratilgan bo‘lib, keyinchalik multfilm va mashhur badiiy filmlar orqali ommalashgan.
