Ijtimoiy tarmoqlarda joriy yilning 12 yanvar kuni Samarqand viloyatida 33-yoshli ayol noto‘g‘ri ukol olib halok bo‘lgani aytilgan video tarqaldi.
Darakchi.uz muhbiri holatni o‘rganish maqsadida Bosh prokuratura matbuot xizmati rahbari Hayot Shamdutdinov bilan bog‘landi. Uning saytimizga taqdim etgan ma’lumotlariga ko‘ra, ayol haqiqatan ham 2026 yilning 12 yanvar kuni halok bo‘lgan.
Biroq u nima sababdan o‘lgani hozirda o‘rganilmokda.
Marhumaning o‘lim sabablarini aniqlish maqsadida sud-tibbiyot ekspertizasi tayinlangan. Tekshirish harakatlari har tomonlama, to‘liq va xolisona o‘tkazilishi va natijasi bo‘yicha qonuniy qaror qabul qilinishi ta’minlanadi, — deydi Bosh prokuratura matbuot xizmati rahbari.
Ma’lumot uchun, hodisa Payariq tumanida yuz bergan. Hozirda prokuratura tomonidan tergovgacha tekshirish harakatlari olib borilmokda.
