Qozog‘istonning Turkiston viloyatida sodir bo‘lgan dahshatli voqea bo‘yicha sud hukmi chiqarildi. Bu haqda Tengrinews.kz xabar berdi.
Sud materiallariga ko‘ra, 2025 yil may oyida erkak og‘ir xasta bo‘lgan 70 yoshli otasini parvarish qilish bahonasida uyiga olib kelgan. Biroq avgust oyidan boshlab u keksani muntazam ravishda kaltaklab kelgan.
Sentabr oyida qo‘shnilaridan biri navbatdagi zo‘ravonlik holatini videoga olib, uni tarqatganidan so‘ng voqea butun mamlakat jamoatchiligiga ma’lum bo‘ldi. Oqibatda keksa erkak olgan tan jarohatlari sabab vafot etdi.
Suddda ayblanuvchi otasi xotinining gapiga quloq solmaganligi uchun zo‘ravonlik qilganini da’vo qilgan, keyinchalik esa pushaymonligini bildirgan. Shunga qaramay, sud uni aybdor deb topib, 5 yilga ozodlikdan mahrum qildi. Avvalroq usbu ish doirasida ayblanuvchining rafiqasiga nisbatan ham alohida jinoyat ishi qo‘zg‘atilgani ma’lum qilingan edi.
