Ma'lum qilinishicha, tuman hokimining mahalla fuqarolar yig‘inlaridan biridagi yordamchisi 1988 yilda tug‘ilgan fuqaroga dehqon xo‘jaligi uchun 49 yilga ajratilgan 30 sotix yer maydonini xususiy mulk sifatida rasmiylashtirib berish va uning 6 sotix qismida qurilgan uy-joy uchun kadastr hujjatlarini tayyorlatish evaziga 2 ming AQSh dollari talab qilgan.
Davlat xavfsizlik xizmati va Iqtisodiy jinoyatlarga qarshi kurashish departamenti tomonidan o‘tkazilgan tezkor tadbirda u 1000 AQSh dollarini tanishi orqali olgan vaqtida ushlangan.
Yana bir holatda esa Davlat kadastrlari palatasining Pop tuman filiali xodimi davlat zaxirasidagi 10 sotix yer maydoni va unda qurilgan uy-joyni fuqaro nomiga rasmiylashtirib berish evaziga 900 AQSh dollari va 4,8 million so‘m olgan vaqtida qo‘lga olindi.
Har ikki holat bo‘yicha tegishli moddalar asosida jinoyat ishlari qo‘zg‘atilib, hozirda tergov harakatlari olib borilmogda.
