Kecha, 5 fevral kuni Hindistonning shimoli-sharqidagi Megxalaya shtatida noqonuniy ko‘mir konida sodir bo‘lgan portlash oqibatida kamida 18 kishi halok bo‘ldi, yana sakkiz kishi jarohat oldi.
Politsiya ma’lumotiga ko‘ra, portlash qutqaruv ishlari davomida aniqlandi va kon "kalamush teshigi" deb ataluvchi, 2014 yildan beri rasman taqiqlangan noqonuniy konlardan biri bo‘lgan.
Portlashdan so‘ng yonib ketgan kon hududida zaharli gaz to‘planganligi ma’lum qilindi.
Hozirda sud-tibbiy ekspertiza va keng qamrovli tergov ishlari olib borilmoqda.
Megxalaya shtati bosh vaziri Konrad Kongal Sangma hodisa yuzasidan tergov e’lon qilgan.
Hindiston Bosh vaziri Narendra Modi halok bo‘lganlar oilasiga hamdardlik bildirdi.
