Ijtimoiy tarmoqlarda nomalu’m shaxs fuqarolardan qurolni harid qilish bo‘yicha murojaati aks etgan video tarqalib, turli muhokamalarga sabab bo‘lmogda. Toshkent shahar IIB holat yuzasidan rasmiy ma’lumot berdi.
Unga ko‘ra, joriy yilning 14 fevral kuni Mirabod tumani, Taras Shevchenko ko‘chasida, 2006 yilda tug‘ilgan, ruhiy nosog‘lom S.M. fuqarolarga o‘zining uyali telefonidan qurol rasmini ko‘rsatib, uni qayerdan harid qilish haqida so‘ragan. Shundan so‘ng voqea joyidan ketib qolganligi aniqlandi.
Mazkur holat yuzasidan Mirabod tumani IIO FMB tomonidan tergovga qadar tekshiruv tekshiruv o‘tkazildi. Tekshiruv jarayonida ushbu fuqaro ruhiy-asab kasalliklari shifoxonasiga joylashtirilgan. Tekshiruv yakuni bo‘yicha qonuniy qaror qabul qilinishi ta’minlanadi, deyiladi xabarda.
