AQSh prezidenti Donald Tramp Eron bilan bog‘liq kelishuv yuzasidan o‘tkazilgan uchrashuvni hech qanday yakuniy qarorsiz yakunladi. Bu haqda The New York Times nashri AQSh ma’muriyatidagi yuqori lavozimli manbaga tayanib xabar berdi.
Manbaga ko‘ra, vaziyat xonasida bo‘lib o‘tgan uchrashuv taxminan ikki soat davom etgan. Biroq muhokamalar yakunida Eron bilan yangi kelishuv bo‘yicha aniq qaror qabul qilinmagan.
Ma’muriyatdagi ayrim rasmiylar kelishuvga yaqinlashilganini ta’kidlamoqda, biroq hali ham muhokama qilinayotgan masalalar mavjud. Jumladan, Eron bilan bog‘liq moliyaviy masalalar va ayrim shartlar bo‘yicha kelishmovchiliklar saqlanib qolmoqda.
The New York Times qayd etishicha, ushbu jarayon AQSh tashqi siyosatining muhim yo‘nalishlaridan biri bo‘lib, muzokaralar davom etmoqda.
