O'zbekistonda soliq ma'muriyatchiligini takomillashtirish va tadbirkorlar uchun qulayliklarni oshirish maqsadida soliq tizimi bosqichma-bosqich to'liq raqamlashtiriladi.
Prezident farmoniga muvofiq, bu borada raqamli texnologiyalarni keng joriy etish ishlari izchil davom ettiriladi.
Xususan:
— soliq xizmatlari to'liq raqamli formatga o'tkaziladi;
— soliq hisobotlarini topshirish va majburiyatlarni bajarish jarayonlari soddalashtiriladi;
— nazorat tadbirlari zamonaviy xavf tahlili tizimlari asosida amalga oshiriladi;
— inson omilini kamaytirish hisobiga ortiqcha byurokratik jarayonlar qisqartiriladi;
— soliq to'lovchilar uchun xizmatlarning tezkorligi va sifati oshiriladi.
Ta'kidlanishicha, mazkur choralar tadbirkorlik uchun qulay muhit yaratish, soliq tizimida ochiqlik va shaffoflikni ta'minlashga xizmat qiladi.
