Ўзбекистонда солиқ маъмуриятчилигини такомиллаштириш ва тадбиркорлар учун қулайликларни ошириш мақсадида солиқ тизими босқичма-босқич тўлиқ рақамлаштирилади.
Президент фармонига мувофиқ, бу борада рақамли технологияларни кенг жорий этиш ишлари изчил давом эттирилади.
Хусусан:
— солиқ хизматлари тўлиқ рақамли форматга ўтказилади;
— солиқ ҳисоботларини топшириш ва мажбуриятларни бажариш жараёнлари соддалаштирилади;
— назорат тадбирлари замонавий хавф таҳлили тизимлари асосида амалга оширилади;
— инсон омилини камайтириш ҳисобига ортиқча бюрократик жараёнлар қисқартирилади;
— солиқ тўловчилар учун хизматларнинг тезкорлиги ва сифати оширилади.
Таъкидланишича, мазкур чоралар тадбиркорлик учун қулай муҳит яратиш, солиқ тизимида очиқлик ва шаффофликни таъминлашга хизмат қилади.
