Farg‘ona viloyati Quva tumanida Nexia-2 va Onix avtomobillari ishtirokida yo‘l-transport hodisasi yuz berdi. Voqea oqibatida haydovchilardan biri halok bo‘lgani haqida viloyat YHXB matbuot xizmati ma’lum qildi.
Xabarga ko‘ra, “Paxtakor” MFY hududidan o‘tuvchi D-105 “Farg‘ona halqasi” avtomobil yo‘lining 189-kilometrida 1977 yilda tug‘ilgan Nexia-2 haydovchisi avtozapravka shahobchasidan chiqib, qarama-qarshi harakat yo‘lagiga o‘tib ketgan. Shu payt o‘z yo‘nalishida harakatlanayotgan Onix avtomobili bilan to‘qnashuv sodir bo‘lgan.
Yo‘l-transport hodisasi oqibatida Nexia-2 haydovchisi Yu.I. olingan jarohatlari sabab shifoxonada vafot etgani qayd etildi.
