Фарғона вилояти Қува туманида Nexia-2 ва Onix автомобиллари иштирокида йўл-транспорт ҳодисаси юз берди. Воқеа оқибатида ҳайдовчилардан бири ҳалок бўлгани ҳақида вилоят ЙҲХБ матбуот хизмати маълум қилди.
Хабарга кўра, “Пахтакор” МФЙ ҳудудидан ўтувчи D-105 “Фарғона ҳалқаси” автомобиль йўлининг 189-километрида 1977 йилда туғилган Nexia-2 ҳайдовчиси автозаправка шаҳобчасидан чиқиб, қарама-қарши ҳаракат йўлагига ўтиб кетган. Шу пайт ўз йўналишида ҳаракатланаётган Onix автомобили билан тўқнашув содир бўлган.
Йўл-транспорт ҳодисаси оқибатида Nexia-2 ҳайдовчиси Ю.И. олинган жароҳатлари сабаб шифохонада вафот этгани қайд этилди.
