Navoiy viloyatida ikki yildan ortiq vaqt davomida aliment to'lamasdan yurgan fuqaro qidiruv tadbirlari davomida aniqlandi. Bu haqda Majburiy ijro byurosi ma'lum qildi.
Qayd etilishicha, voqea Karmana tumanida sodir bo'lgan. Aliment to'lashdan bo'yin tovlab kelgan erkakning qarzdorligi ikki yil ichida 71 million so'mga etgan.
MIB xodimlari tomonidan o'tkazilgan qidiruv tadbirlari jarayonida qarzdor fuqaro tandir ichiga yashiringan holda topilgan.
Mazkur holat bo'yicha to'plangan hujjatlar sudga taqdim etilgan. Sud qaroriga ko'ra, fuqaroga 15 sutka ma'muriy qamoq jazosi tayinlangan.
