Toshkent xalqaro investitsiya forumi o‘tkazilishi munosabati bilan 16–18 iyun kunlari poytaxtning ayrim yo‘nalishlarida transport harakati vaqtincha cheklanadi. Bu haqda Ichki ishlar vazirligi ma’lum qildi.
Cheklovlar Islom Karimov ko‘chasi: Islom Karimov va Sharof Rashidov ko‘chalari chorrahasidan Islom Karimov va Furqat ko‘chalari chorrahasigacha va Yangi O‘zbekiston ko‘chasi: Maxtumquli, Temur Malik va Yangi O‘zbekiston ko‘chalari kesishmasidagi ko‘prikdan Yangi O‘zbekiston va Istiqlol ko‘chalari chorrahasigacha hamda Islom sivilizatsiyasi markaziga tutash hududda: Sharof Rashidov va Abdulla Qodiriy ko‘chalari chorrahasidan, so‘ngra Abdulla Qodiriy va Xurosaroy ko‘chalari bo‘ylab Xurosaroy va Nurafshon ko‘chalari chorrahasigacha yopiladi.
Qayd etilishicha, haydovchilar uchun aylanma yo‘nalishlar tashkil etiladi. Favqulodda va tezkor xizmatlar transport vositalariga esa harakatlanishga ruxsat beriladi.
Shuningdek, forum kunlarida yuk avtomobillarining Toshkent shahriga kirishi taqiqlanib, ular viloyatning aylanma yo‘llari orqali harakatlanadi.
