2026 yilgi jahon chempionati guruh bosqichida yana bir qator kutilmagan natijalar qayd etildi. Turnir favoritlaridan sanalgan Ispaniya, Belgiya va Urugvay terma jamoalari ilk turda g'alaba qozona olmadi.
Ispaniya Kabo-Verde bilan bahsda raqib darvozasini ishg'ol qilishning uddasidan chiqa olmadi. Uchrashuv 0:0 hisobida yakunlandi. Jahon chempionatida ilk bor ishtirok etayotgan afrikaliklar shu tariqa tarixiy ochkoni qo'lga kiritdi.
G guruhida Belgiya Misr bilan kuch sinashdi. Uchrashuvda hisobni Imom Ashur ochdi. Belgiyaliklar esa o'yinning hal qiluvchi pallalarida raqib himoyachisining avtogoli evaziga mag'lubiyatdan qutulib qoldi. Bahs 1:1 hisobida tugadi.
Saudiya Arabistoni esa guruh favoritlaridan biri bo'lgan Urugvayni to'xtatib qoldi. Tomonlar bir-birlariga bittadan gol urdi va uchrashuv 1:1 hisobida yakunlandi.
Eron hamda Yangi Zelandiya o'rtasidagi bahs esa sermahsul o'tdi. Jamoalar to'rtta gol urgan holda 2:2 hisobida durang qayd etdi.
Shu tariqa, musobaqaning navbatdagi kunida Ispaniya, Belgiya va Urugvay kutilgan uch ochkoni qo'lga kirita olmadi. Bu esa JCH–2026ning ilk bosqichlariyoq kutilmagan natijalarga boy kechayotganini ko'rsatmoqda.
