2026 йилги жаҳон чемпионати гуруҳ босқичида яна бир қатор кутилмаган натижалар қайд этилди. Турнир фаворитларидан саналган Испания, Белгия ва Уругвай терма жамоалари илк турда ғалаба қозона олмади.
Испания Кабо-Верде билан баҳсда рақиб дарвозасини ишғол қилишнинг уддасидан чиқа олмади. Учрашув 0:0 ҳисобида якунланди. Жаҳон чемпионатида илк бор иштирок этаётган африкаликлар шу тариқа тарихий очкони қўлга киритди.
G гуруҳида Белгия Миср билан куч синашди. Учрашувда ҳисобни Имом Ашур очди. Белгияликлар эса ўйиннинг ҳал қилувчи паллаларида рақиб ҳимоячисининг автоголи эвазига мағлубиятдан қутулиб қолди. Баҳс 1:1 ҳисобида тугади.
Саудия Арабистони эса гуруҳ фаворитларидан бири бўлган Уругвайни тўхтатиб қолди. Томонлар бир-бирларига биттадан гол урди ва учрашув 1:1 ҳисобида якунланди.
Эрон ҳамда Янги Зеландия ўртасидаги баҳс эса сермаҳсул ўтди. Жамоалар тўртта гол урган ҳолда 2:2 ҳисобида дуранг қайд этди.
Шу тариқа, мусобақанинг навбатдаги кунида Испания, Белгия ва Уругвай кутилган уч очкони қўлга кирита олмади. Бу эса ЖЧ–2026нинг илк босқичлариёқ кутилмаган натижаларга бой кечаётганини кўрсатмоқда.
