Toshkent shahri Olmazor tumanidagi “Orzu” mavzesida joylashgan qurilish ob’ektida yer o‘pirilishi sodir bo‘lgani va bir nafar fuqaro jabrlangani haqida ijtimoiy tarmoqlarda xabarlar tarqaldi.
Mazkur holat yuzasidan O‘zbekiston Respublikasi Kambag‘allikni qisqartirish va bandlik vazirligi huzuridagi Davlat mehnat inspeksiyasi rasmiy munosabat bildirdi.
Ma’lum qilinishicha, holat Davlat mehnat inspeksiyasi tomonidan nazoratga olingan va belgilangan tartibda tekshiruv ishlari boshlangan.
Tekshiruv jarayonida yer o‘pirilishiga sabab bo‘lgan omillar, baxtsiz hodisaning kelib chiqish holatlari, shuningdek, mas’ul shaxslarning harakatlari atroflicha o‘rganiladi.
