Toshkent shahrining Mirobod tumanida joylashgan umumiy ovqatlanish shoxobchalaridan birida yong‘in sodir bo‘ldi. Bu haqda Toshkent shahar Favqulodda vaziyatlar bosh boshqarmasi xabar qildi.
Qayd etilishicha, hodisa kecha, 5 avgust kuni soat 07:03 da Mirobod tumani Abdurauf Fitrat ko‘chasidagi 2-uyda joylashgan kafening dudburonida yong‘in chiqqanligi haqidagi xabardan so‘ng aniqlangan.
Ma’lum qilinishicha, qutqaruv ekipajlari voqea joyiga soat 07:09 da yetib borgan. Yong‘in soat 07:12 da qurshab olingan va oradan bir daqiqa o‘tib, soat 07:13 da to‘liq bartaraf etilgan.
Hodisa oqibatida jabrlanganlar yo‘q.
Ayni paytda yong‘inning kelib chiqish sababi hamda yetkazilgan moddiy zarar miqdori aniqlanmoqda.
