Тошкент шаҳрининг Миробод туманида жойлашган умумий овқатланиш шохобчаларидан бирида ёнғин содир бўлди. Бу ҳақда Тошкент шаҳар Фавқулодда вазиятлар бош бошқармаси хабар қилди.
Қайд этилишича, ҳодиса кеча, 5 август куни соат 07:03 да Миробод тумани Абдурауф Фитрат кўчасидаги 2-уйда жойлашган кафенинг дудбуронида ёнғин чиққанлиги ҳақидаги хабардан сўнг аниқланган.
Маълум қилинишича, қутқарув экипажлари воқеа жойига соат 07:09 да етиб борган. Ёнғин соат 07:12 да қуршаб олинган ва орадан бир дақиқа ўтиб, соат 07:13 да тўлиқ бартараф этилган.
Ҳодиса оқибатида жабрланганлар йўқ.
Айни пайтда ёнғиннинг келиб чиқиш сабаби ҳамда етказилган моддий зарар миқдори аниқланмоқда.
