Sergelida yer ostidagi elektr kabellari qisqa tutashuvi sodir bo‘ldi.

19 avgust kuni soat 21:11 da Toshkent shahrining Sergeli tumani, Yangi Sergeli ko‘chasida joylashgan ochiq maydonda elektr kabellari yonayotgani haqida Toshkent shahar Favqulodda vaziyatlar boshqarmasiga xabar kelib tushgan.

Shunga ko‘ra, qutqaruv texnikasi zudlik bilan voqea joyiga yetib borgan.

Hodisa joyida yer ostida joylashgan elektr kabellarida qisqa tutashuv sodir bo‘lgani aniqlangan.