AQSh prezidenti Donald Tramp va birinchi xonimi Melaniya Tramplar 20 yanvar kuni inaugurasiyadan so`ng o`tkazilgan Ozodlik balida ilk marotaba Oq uy egalari sifatida raqsga tushishdi, deb xabar berdi “Lenta.ru” nashri.
“Biz bu ishga qo`l urganimizda, mening, bizning hech qanday imkoniyatimiz yo`qligini ta`kidlashdi. Ammo biz g`alabaga ishondik va unga erishdik! Bugun juda ulug` kun!”, dedi Tramp zaldagi mehmonlarga qarab.
Birinchi xonimning eksklyuziv modeldagi libosini dizayner Erve Per Melaniya ishtirokida yaratdi. Prezident rafiqasi bilan Frenk Sinatrning “Mening yo`lim” musiqasiga raqsga tushdi. Ularga prezident o`rinbosari Mayk Pens rafiqasi bilan va har ikki oilaning farzandlari qo`shildi.
