АҚШ президенти Дональд Трамп ва биринчи хоними Мелания Трамплар 20 январь куни инаугурациядан сўнг ўтказилган Озодлик балида илк маротаба Оқ уй эгалари сифатида рақсга тушишди, деб хабар берди “Lenta.ru” нашри.
“Биз бу ишга қўл урганимизда, менинг, бизнинг ҳеч қандай имкониятимиз йўқлигини таъкидлашди. Аммо биз ғалабага ишондик ва унга эришдик! Бугун жуда улуғ кун!”, деди Трамп залдаги меҳмонларга қараб.
Биринчи хонимнинг эксклюзив моделдаги либосини дизайнер Эрве Пьер Мелания иштирокида яратди. Президент рафиқаси билан Фрэнк Синатрнинг “Менинг йўлим” мусиқасига рақсга тушди. Уларга президент ўринбосари Майк Пенс рафиқаси билан ва ҳар икки оиланинг фарзандлари қўшилди.
