​Prezident farmoni bilan “O`zavtoyo`l” kompaniyasi tugatildi

Jamiyat 16.02.2017, 09:50
Teglar: Prezident farmoni, Shavkat Mirziyoev
​Prezident farmoni bilan “O`zavtoyo`l” kompaniyasi tugatildi

Avtomobil yo`llari qurish va foydalanish davlat-aksiyadorlik kompaniyasi (“O`zavtoyo`l” DAK) negizida O`zbekiston Respublikasi Avtomobil yo`llari davlat qo`mitasi tashkil etiladi. Bu haqda Prezident Shavkat Mirziyoev farmon imzoladi.

14 fevral kuni Prezidentning Yo`l xo`jaligini boshqarish tizimini yanada takomillashtirish chora-tadbirlari to`g`risidagi farmoni O`zAda e`lon qilindi.

Farmon avtomobil yo`llari va sun`iy inshootlarni loyihalashtirish, qurish va foydalanish jarayoniga kompleks yondashish asosida yo`l xo`jaligini boshqarishning samarali tizimini shakllantirish, ularni moliyalashtirish tizimini takomillashtirish, loyihalashtirish va yo`l-qurilish ishlari sifatini oshirish imkonini beradigan to`laqonli buyurtmachi xizmatini yaratish maqsadida imzolandi.

Endilikda O`zbekiston Respublikasi Avtomobil yo`llari davlat qo`mitasi majburiyatlar va shartnomalar, shu jumladan, xalqaro shartnomalar bo`yicha Avtomobil yo`llari qurish va foydalanish davlat-aksiyadorlik kompaniyasining (“O`zavtoyo`l” DAK) huquqiy vorisi hisoblanadi. Ya`ni avtomobil yo`llari sohasida maxsus vakolatli davlat organi hisoblanadi.

Avtomobil yo`llari sohasida yagona texnika siyosatini olib borish, ushbu sohada davlat dasturlarini ishlab chiqish va amalga oshirish, avtomobil yo`llarining xalqaro tranzit yo`laklarini shakllantirish, yo`l qurish, rekonstruksiya qilish kabilar Avtomobil yo`llari davlat qo`mitasi faoliyatining asosiy vazifalari va yo`nalishlari etib belgilandi.

Hujjatda O`zbekiston Respublikasi Vazirlar Mahkamasi huzurida Yo`l-qurilish ishlari sifatini nazorat qilish Davlat inspeksiyasi tashkil etish ham belgilangan. Inspeksiyaning asosiy vazifalariga yuridik va jismoniy shaxslar tomonidan yo`l qurilishi ishlarida, yo`l-qurilish materiallari, mahsulotlar va konstruksiyalarni ishlab chiqarishda texnik jihatdan tartibga solish sohasidagi normativ hujjatlar talablariga rioya etilishini nazorat qilish, qurilishi tugallangan yo`l ob`ektlarini foydalanishga qabul qilish bo`yicha komissiyalar ishida qatnashish, yo`l qurilishi yuzasidan shaharsozlik qonunchiligiga rioya qilinishi ustidan nazorat qilishni tashkil etish borasida texnik jihatdan tartibga solish sohasida normativ hujjatlarni takomillashtirishga doir takliflar kiritish va unda ishtirok etish kabilar kiradi.

O`zbekiston Respublikasi Moliya vazirligi huzuridagi Respublika yo`l jamg`armasi O`zbekiston Respublikasi Vazirlar Mahkamasiga bo`ysundirilib, ular tomonidan Respublika yo`l jamg`armasi mablag`lari tushumi hamda sarfining yillik va choraklik hisobotlarini shakllantiriladi, yo`l xo`jaligi ob`ektlarini qurish, rekonstruksiya qilish, ta`mirlash va jihozlashning nomma-nom ro`yxatlarini belgilangan tartibda kelishiladi.

Yo`l jamg`armasiga mablag`larni yig`ish va tushumlarning to`liqligini nazorat qilish funksiyasi O`zbekiston Respublikasi Davlat soliq qo`mitasiga, Davlat bojxona qo`mitasiga va Ichki ishlar vazirligiga yuklanadi.

Ushbu Farmonning ijrosini nazorat qilish Bosh vazir Abdulla Aripov zimmasiga yuklandi.

Sharhlar

Gurbanguli Berdimuhamedov Shavkat Mirziyoevga turkman xalqi alohida qadrlaydigan alabay zotli kuchuk sovg`a qildi

21.10.2022, 13:45

Turkmanistonga rasmiy tashrif doirasida O`zbekiston Prezidenti Shavkat Mirziyoev ushbu mamlakat Parlamentining yuqori palatasi raisi Gurbanguli Berdimuhamedov bilan uchrashdi, deya xabar bermoqda Prexident matbuot xizmati. Davlatimiz rahbari...
"Afg`onistondagi vaziyatni hal etish va u erda tinch hayotni tiklash muhim". Shavkat Mirziyoev Ostonadagi sammitda nutq so`zladi

13.10.2022, 11:20

O`zbekiston Prezidenti Shavkat Mirziyoev Ostona shahrida bo`lib o`tayotgan Osiyoda hamkorlik va ishonch choralari bo`yicha kengash VI sammitida nutq so`zladi. O`zbekiston rahbari Afg`onistondagi vaziyatni hal etish va...
Shavkat Mirziyoev Urganchda Jaloliddin Manguberdi haykalini ochib berdi (foto)

29.08.2022, 11:46

Avval xabar qilganimizdek, Bugun Prezident Shavkat Mirziyoev Urganch shahrida buyuk sarkarda va davlat arbobi Jaloliddin Manguberdi haykalining tantanali ochilish marosimida ishtirok etish uchun Xorazm viloyatiga...
Shavkat Mirziyoev tashrifni Madinai Munavvara ziyoratidan boshladi (video)

17.08.2022, 16:42

Saudiya Arabistoni Podshohi Salmon bin Abdulaziz Ol Saudning taklifiga binoan ushbu mamlakatga borgan O`zbekiston Respublikasi Prezidenti Shavkat Mirziyoev tashrifni Madinai munavvara ziyoratidan boshladi. O`zbekiston rahbari Madina...
Ob-havo: Toshkent
Valyuta kursi
1