Jurnalistlar kasb taqozosiga ko`ra barcha sohalarning ichiga kiradi, ma`lumot oladi, surishtiruv o`tkazadi, o`z munosabatini bildiradi, ommaga tarqatadi. Sohalar rivoji, islohotlar natijasini yoritish bilan birga kamchiliklarni fosh etadi, aybdorlarni tanqid ostiga oladi. Bu ulardan ulkan mas`uliyatni, yuksak ma`naviyatni talab etadi, deb yozadi O`zA.
O`zbekiston Mustaqil bosma ommaviy axborot vositalari va axborot agentliklarini qo`llab-quvvatlash va rivojlantirish jamoat fondi, Jurnalistlarni qayta tayyorlash markazi, YuNESKOning mamlakatimizdagi vakolatxonasi va ommaviy axborot vositalari tomonidan ishlab chiqilayotgan O`zbekiston jurnalistlarining kasb axloq kodeksida ana shu talablar o`z ifodasini topadi.
YuNESKOning O`zbekistondagi vakolatxonasida mazkur kodeks loyihasi muhokamasiga bag`ishlangan davra suhbati o`tkazildi. Unda O`zbekiston Jurnalistlari ijodiy uyushmasi, axborot agentliklari, ommaviy axborot vositalari vakillari qatnashdi.
“Ko`plab mamlakatlarda jurnalistlarning kasb axloq kodekslari ishlab chiqilgan. Albatta, har bir kodeks o`ziga xos xususiyatlarga ega, lekin ularning asosiy tamoyillari deyarli bir xil: xolislik va haqqoniylik, betaraflik, halollikka amal qilish, axborotning ishonchliligini ta`minlash, axborot manbalarining maxfiyligini saqlash, inson huquq va erkinliklari, shaxs qadr-qimmatini hurmat qilish. Ilg`or xorijiy tajribalarni o`rganib, o`zbek milliy jurnalistikasi uchun axloq kodeksini yaratish soha rivojiga sezilarli ijobiy ta`sir ko`rsatadi” , – deydi YuNESKOning O`zbekistondagi vakolatxonasi rahbari Krista Pikkat.
Kodeks loyihasi jurnalistning kasb majburiyati, ijtimoiy mas`uliyati, halollik va betaraflik, axborotning ishonchliligi va xolisligi, axborot manbalari va ularning maxfiyligi, inson huquq va erkinliklari, shaxs qadr-qimmatini hurmat qilish, halol raqobat, jurnalistlarning kasb faoliyatini himoyalash, jurnalist etikasi prinsiplari va normalarini buzganlik uchun javobgarlikni o`z ichiga oluvchi to`qqiz bo`limdan iborat.
Davra suhbatida soha vakillari o`zlarini qiziqtirgan masalalar yuzasidan fikr almashdi. Loyihani takomillashtirish bo`yicha takliflar bildirildi.
10.05.2024, 15:14
Yig`ilishda kun tartibidagi ikkinchi masala – barcha joylarda “Sayxunobod” tajribasini jadallashtirish muhokama qilindi. Bu haqda Prezident matbuot xizmati xabar berdi.Bu borada boshlangan ishlar natijasida aprel...
06.05.2024, 13:48
O`zbekistonda oxirgi 3 oy ichida qancha avtobus ishlab chiqarilgani ochiqlandi. Bu haqda Statistika agentligi xabar berdi. O`zbekistonda oxirgi 3 oy ichida qancha avtobus ishlab chiqarilgani ochiqlandi. Mart...
13.09.2023, 11:02
Osiyo kubogi uchun saralash o`yinlari yakunlandi, deya xabar bermoqda "darakchi.uz" muxbiri. Ma`lum bo`lishicha, so`nggi 6 o`yinda raqiblari darvozasiga 25 ta gol kiritib, 3 ta gol o`tkazib...
24.01.2023, 10:47
Avval xabar qilganimizdek, O`zbekiston va Qirg`iziston hamkorlikda 19 turdagi engil avtomobillar, jumladan mikroavtobus, pikap, sedan va boshqalarni ishlab chiqarishni rejalashtirgan. Qirg`izistonda ishlab chiqarilgan avtomobillar narxi 13...
