​Bir hafta davomida Toshkentda mast holatda transport vositasini boshqargan 80 nafar haydovchi aniqlandi

Mart oyining ilk haftasida Toshkent shahrida yo`l harakati xavfsizligi qoidalarini buzish holatlarini aniqlash va ularning oldini olish maqsadida o`tkazilgan reydlar davomida 20911 ta qoidabuzarliklar aniqlandi va ularga nisbatan ma`muriy ta`sir choralari ko`rildi. Bu haqda Toshkent shahar Ichki ishlar bosh boshqarmasida profilaktika kuni munosabati bilan o`tkazilgan brifingda xabar berildi.

Shundan:

- 80 tasi mast holatda transport vositasini boshqarish,

- 1.451 tasi yo`l belgilariga rioya etmaslik,

- 6.533 ta qo`pol qoida buzarlik holati,

- 393 tasi svetoforning ta`qiqlovchi chirog`ida harakatlanish,

- 12.454 tasi boshqayo`l harakati qoidalarini buzish holatlarini tashkil etgan.

Yo`l harakati xavfsizligi qoidalarini buzish holatlarini oldini olish maqsadida, 23 ta transport vositalarini ta`mirlash ustaxonalari va avtoturargohlarda, 408 ta ta`lim muassasalari va mahallalarda yo`l harakati xavfsizligi qoidalari bo`yicha amaliy mashg`ulotlar o`tkazildi, targ`ibot-tashviqot ishlari olib borildi.