O`zbekiston Respublikasi bilan Rossiya Federasiyasi o`rtasida diplomatik munosabatlar o`rnatilganining 25 yilligi munosabati bilan Rossiya Prezidenti Vladimir Putin O`zbekiston Prezidenti Shavkat Mirziyoevga tabrik yo`llagan, deb yozadi O`zA.
Rossiya Prezidentining qutlovida bunday deyiladi: "O`tgan yillarda Rossiya – O`zbekiston munosabatlari strategik sheriklik darajasiga ko`tarildi. Keng qamrovli siyosiy muloqotlar, savdo-iqtisodiy, ilmiy-texnikaviy, gumanitar va boshqa sohalardagi samarali hamkorlik faol rivojlanmoqda. Mamlakatlarimiz mintaqaviy va xalqaro ahamiyatga ega dolzarb masalalar yuzasidan izchil hamkorlik qilib kelmoqda.
Birgalikdagi sa`y-harakatlarimiz bilan Rossiya va O`zbekiston xalqlari farovonligi, Markaziy Osiyoda tinchlik, xavfsizlik va barqarorlikni mustahkamlash yo`lida o`zaro munosabatlarning barcha jihatlarini yanada rivojlantirishimizga ishonchim komil".
O`zbekiston Respublikasi Prezidenti Shavkat Mirziyoevning qutlovida "O`tgan tarixiy davrda O`zbekiston bilan Rossiya o`rtasidagi serqirra va ko`p tomonlama munosabatlar rivojida salmoqli natijalarga erishilgan"i mamnuniyat bilan ta`kidlangan.
Davlatimiz rahbarining qutlovida ta`kidlanganidek, "Bugungi kunda Rossiya O`zbekistonning yirik savdo va investisiyaviy hamkori hisoblanadi. Neft-gaz kompleksi, mashinasozlik va elektrotexnika sanoati, to`qimachilik, farmasevtika va oziq-ovqat tarmoqlari, qishloq xo`jaligi mahsulotlarini chuqur qayta ishlash bo`yicha yirik loyihalar birgalikda amalga oshirilmoqda va yangi loyihalar tayyorlanmoqda. Ikki mamlakat hududlari o`rtasida bevosita aloqalar rivojlanmoqda".
Prezidentimiz "Moskvada bo`lib o`tadigan uchrashuvimiz O`zbekiston bilan Rossiya o`rtasidagi ko`p qirrali va uzoq muddatli strategik sheriklik va ittifoqchilik munosabatlarimizni har tomonlama mustahkamlash va yanada rivojlantirishga xizmat qiladi", deb ishonch bildirgan.
06.05.2024, 13:48
O`zbekistonda oxirgi 3 oy ichida qancha avtobus ishlab chiqarilgani ochiqlandi. Bu haqda Statistika agentligi xabar berdi. O`zbekistonda oxirgi 3 oy ichida qancha avtobus ishlab chiqarilgani ochiqlandi. Mart...02.05.2024, 15:35
AQSh Davlat departamenti tomonidan e`lon qilingan bayonotga ko`ra, Rossiya qo`shinlari ukrainalik askarlarga qarshi xloropikrin zaharli moddasidan foydalangan. Bu haqda SNN xabar berdi. Vashingtonning fikricha, Moskva kimyoviy qurollardan...21.04.2024, 17:45
Kelgusi haftada Rossiya Eronga 24 ta Su-35 qiruvchi samolyotini topshiradi. Bu haqda “The Wall Street Journal” nashri ma`lum qilgandi. Eronning bir qator OAVlarining xabar berishicha, Rossiya...13.09.2023, 11:02
Osiyo kubogi uchun saralash o`yinlari yakunlandi, deya xabar bermoqda "darakchi.uz" muxbiri. Ma`lum bo`lishicha, so`nggi 6 o`yinda raqiblari darvozasiga 25 ta gol kiritib, 3 ta gol o`tkazib...