12 aprel kuni Sergeli tumanida yo`lovchi tashuvchi avtobus bilan YTH sodir bo`ldi.
Toshkent halqa avtomobil yo`li bo`ylab harakatlanayotgan “Isuzu” rusumli avtobus haydovchisi boshqaruvni yo`qotib yo`l to`sig`i bilan to`qnashgan.
Toshkent shahar IIBB tomonidan berilgan ma`lumotlarga ko`ra, YTH oqibatida 9 nafar yo`lovchi jabrlangan. Ularning barchasi Respublika shoshilinch tibbiy yordam markaziga etkazilgan.
Ayni damda YTH yuzasidan tergov ishlari olib borilmoqda.
