​Olmazor tumani sud ijrochilari o`n kunlik chaqalog`i bor oilani ko`chaga haydadi

Jamiyat 20.04.2017, 10:44
Teglar: Sud, Toshkent, Ona va bola
​Olmazor tumani sud ijrochilari o`n kunlik chaqalog`i bor oilani ko`chaga haydadi

18 aprel kuni Olmazor tumanida O`zbekiston Respublikasi Prezidenti devonining Jismoniy va yuridik shaxslarning murojaatlari bilan ishlashni nazorat qilish va muvofiqlashtirish xizmati sayyor qabul tashkil etgani haqida avval xabar bergandik.

Tashkil qilgan ochiq muloqotda sud, huquqni muhofaza qilish va nazorat organlari, vazirliklar, davlat qo`mitalari, markaziy idora va tashkilotlar, bank-moliya muassasalari rahbarlari, poytaxtimiz va Olmazor tumani hokimliklari mas`ul xodimlari fuqarolar va tadbirkorlarning murojaatlarini tinglab, ularni hal qilishga kirishdi.

Bir necha yil avval Toshkent tibbiyot akademiyasi balansidagi Olmazor tumani Shifokorlar-2 ko`chasida joylashgan uy akademiya xodimlariga yashash uchun berilgan. Bu uyda yashovchilar – Jamshid Allamurodov, Gulbahor Rahmonova, Zilolaxon Ergashevaning aytishicha, ularga mazkur uy «Kamolot» YoIH va kasaba uyushmasining boshlang`ich tashkilotlari tavsiyasi asosida qonuniy ajratilgan. Fuqarolik ishlari bo`yicha Shayxontohur tumanlararo sudi Olmazor tumani hokimligining da`vosi asosida ularga mazkur uyni berish haqidagi hujjatni bekor qilgan, deb yozadi O`zA.

– Shu yilning 31 mart kuni sud ijrochilari o`n kunlik bolamiz bilan bizni ko`chaga haydadi, – dedi Jamshid Allamurodov. – Shundan beri hali u, hali bu tanishlarning uyida yashab yuribmiz.

Sayyor qabulda Oliy sud mutasaddilari bu masala nazorat tartibida tezda qonuniy ko`rib chiqilib, adolatli yakuniy qaror qabul qilinishini ma`lum qildi. Sud yakuniy qarorni aytmaguncha bu uyda yashovchilarni, ayniqsa, chaqalog`i bor oilani uydan quvib chiqarish oddiy insoniylik mezonlariga ham to`g`ri kelmasligi ta`kidlandi. J.Allamurodov oilasi va boshqalarning Oliy sud yakuniy, adolatli qarorni qabul qilguncha shu uyda yashab turishi ta`minlandi. Ularga xonadonlari kalitlari qaytarildi.

Sharhlar

Nukus voqelari bo`yicha bo`lib o`tayotgan sudda asosiy aybdor Dauletmurat Tajimuratov Qur`oni Karimni keltirishni so`radi

28.11.2022, 12:43

Avval xabar qilganimizdek, bugun, 28 noyabr kuni Buxoro viloyat sudi binosida 2022 yil 1-2 iyul kunlari Nukus shahrida sodir etilgan ommaviy tartibsizliklarga doir jinoyat ishi...
Toshkentda bloger 15 yoshli bolaning o`limi sabab ichki ishlar vaziri iste`fosini so`rab, piket uyushtirdi

24.11.2022, 12:57

Farg`onadagi IIB muassasasida15 yoshli voyaga etmagan shaxsning jasadi chiqqani hodisasi sabab Toshkentda bloger ichki ishlar vaziri iste`fosini talab qilib, piket uyushtirdi.Ma`lum qilinishicha, bloger va publisist...
Toshkentga cheklov kiritiladi: tunda markaziy ko`chalaraning yoritish chiroqlari o`chiriladi

17.11.2022, 11:00

Bugun, 16 noyabrdan boshlab Toshkentda ko`cha yoritish tarmoqlari vaqtinchalik tungi iste`molini cheklash tartibiga o`tkazildi. Bu haqda "Toshshaharnur" davlat unitar korxonasi xabar qildi."Hozirgi kunda hukumat elektr...
Toshkentda ichimlik reklamasida behayo harakatlar qilganlar jarimaga tortildi (video)

27.10.2022, 19:44

Ijtimoiy tarmoqlarda ikki nafar qizning behayo harakatlari aks etgan video tarqalib ko`plab muhokamalarga sabab bo`lgan edi. Mazkur holat yuzasidan Bektemir tumani IIO FMB tomonidan Yu.B. hamda...