Chilonzor tumanida ichki ishlar idoralari xodimlari tomonidan o`tkazilgan tezkor tadbirlar davomida fuqaro A. odam sotish orqali boylik orttirish maqsadida o`zining voyaga etmagan 4 yoshli farzandini 14100 AQSh dollariga sotayotgan vaqtda qo`lga olindi. Bu haqda 20 aprel kuni Toshkent shahar IIBB tomonidan o`tkazilgan matbuot brifingda ma`lumot berildi.
Mazkur holat yuzasidan Jinoyat Kodeksining 135-moddlasi 3-qismi “a” bandi bilan ya`ni odam savdosi jinoyati alomatlari bilan jinoiy ish qo`zg`atildi.
Ayolga nisbatan qamoqqa olish ehtiyot chorasi qo`llanilib, bola Ichki ishlar bosh boshqarmasiga qarashli Voyaga etmaganlarga ijtimoiy-huquqiy yordam ko`rsatish Markaziga joylashtirildi.
Ayolning ko`rsatma berishicha, ayol Qarshi shahridan Toshkentga 2017 yilning 2 aprel kuni kelgan va o`zining 3 yillik tanishiga qiynalib qolganligini va yaxshiroq xonadon bo`lsa bolasini berishini ma`lum qilgan. Buning evaziga esa unga 1 xonali uy olib berishlarini so`ragan.
Ona 14 100 dollarga bir xonali uy olsa bo`lishini va shu narxga farzandini keyinchalik da`vo qilmaslik sharti bilan topshirishini aytgan.
