2017 yilning 17 may kuni Din ishlari bo`yicha qo`mita, O`zbekiston musulmonlari idorasi hamda Sog`liqni saqlash vazirligi hamkorlikda “Umra-2017” Ramazon mavsumida o`zbekistonlik ziyoratchilarga xizmat ko`rsatuvchi guruh rahbarlari uchun o`quv mashg`ulotlari o`tkazildi.
Seminarda guruh rahbarlariga safarga borib kelgunga qadar bo`lib o`tadigan barcha tadbirlar to`g`risida batafsil ma`lumotlar berildi. Shuningdek, seminarda ishtirok etgan shifokorlar guruhi a`zosi tomonidan umrachilarga etkazilishi lozim bo`lgan tibbiy tavsiyalar to`g`risida ham alohida ma`lumotlar berib o`tildi.
“Haj” va “Umra” tadbirlarini tashkil etish va o`tkazish masalalari bo`yicha Jamoatchilik kengashining qaror va tavsiyalari bilan tashkil etilgan mazkur mavsum davomida 650 nafar fuqarolarning umra ziyoratiga borishlari rejalashtirilgan.
Joriy yilgi Ramazon mavsumida ziyorat 10 kunni tashkil etadi. Ziyoratchilar Madina shahrida 3 kun, Makkada esa 7 kun bo`ladilar. Ziyoratchilarga mavsum davomida o`zbekistonlik 4 nafar ishchi guruhi a`zosi, 13 nafar guruh rahbari, 3 nafar shifokor hamda 2 nafar oshpaz xizmat ko`rsatadi.
Umra ziyoratiga tayyorgarlik doirasida barcha ziyoratchilarimiz mavsumiy kasalliklarga qarshi emlanib, davlat ramzi tushirilgan kamzul va sumkalar bilan ta`minlanadi. Safar oldidan ularga umra safarining mohiyati, uni ado etishga doir masalalar guruh rahbarlari tomonidan tushuntirish ishlari ham olib borildi.
Ziyoratchilarni Toshkent xalqaro aeroportida kuzatish va kutib olish ishlari Din ishlari bo`yicha qo`mita, O`zbekiston musulmonlari idorasi hamda mutasaddi tashkilotlar bilan hamkorlikda amalga oshiriladi.
Din ishlari bo`yicha qo`mita Axborot xizmatining bergan ma`lumotlariga ko`ra, O`zbekiston musulmonlari idorasi va “O`zbekiston havo yo`llari” MAK o`rtasidagi kelishuvga asosan, “Umra-2017” Ramazon mavsumi ziyoratchilarini kuzatish va kutib olish ishlari 13 dan 29 iyunga qadar davom etadi.
10.05.2024, 15:14
Yig`ilishda kun tartibidagi ikkinchi masala – barcha joylarda “Sayxunobod” tajribasini jadallashtirish muhokama qilindi. Bu haqda Prezident matbuot xizmati xabar berdi.Bu borada boshlangan ishlar natijasida aprel...
06.05.2024, 13:48
O`zbekistonda oxirgi 3 oy ichida qancha avtobus ishlab chiqarilgani ochiqlandi. Bu haqda Statistika agentligi xabar berdi. O`zbekistonda oxirgi 3 oy ichida qancha avtobus ishlab chiqarilgani ochiqlandi. Mart...
13.09.2023, 11:02
Osiyo kubogi uchun saralash o`yinlari yakunlandi, deya xabar bermoqda "darakchi.uz" muxbiri. Ma`lum bo`lishicha, so`nggi 6 o`yinda raqiblari darvozasiga 25 ta gol kiritib, 3 ta gol o`tkazib...
24.01.2023, 10:47
Avval xabar qilganimizdek, O`zbekiston va Qirg`iziston hamkorlikda 19 turdagi engil avtomobillar, jumladan mikroavtobus, pikap, sedan va boshqalarni ishlab chiqarishni rejalashtirgan. Qirg`izistonda ishlab chiqarilgan avtomobillar narxi 13...
