Bugun, 19 iyul kuni Toshkent politexnika muzeyida Nexia avtomobili ilk marotaba ishlab chiqarilgan sana munosabati bilan bayram tadbiri bo`lib o`tdi.
Muzeyda 1996 yilning 19 iyulida ishlab chiqarilgan va O`zbekiston Respublikasining Birinchi Prezidenti Islom Karimovning dastxati tushirilgan avtomobil modeli saqlanadi. Uning yonida esa avtomobilning keyingi avlodi Nexia 2`ni ham ko`rish mumkin. Bu hisob bo`yicha 1 060 710chi va mazkur seriyadagi eng so`nggi avtomobildir. 2016 yil O`zbekistondagi eng ommabop avtomobilning yangi avlodi ya`ni Ravon Nexia R3 ishlab chiqarila boshlandi.
Bundan tashqari aynan ushbu kunda Asaka avtomobil zavodining rasmiy ochilish marosimi bo`lib o`tgan.
