Bugun tunda Mirobod tumanidagi Angel`s food kafesida yong`in yuz berdi.
Toshkent shahar Ichki ishlar Bosh boshqarmasi YoXBdan xabar berishlaricha, yong`in haqidagi signal navbatchi pultiga soat 1:36 da kelib tushgan va 4 daqiqadan so`ng o`t o`chiruvchilar yong`inni bartaraf etishga kirishishgan. Soat 1:58 da alanga butunlay o`chirildi.
Ma`lumotlarga ko`ra, ikkinchi qavatda 20 kv.m. maydonda kafening ichi va tashqi qoplamasi yongan. Dastlabki ma`lumotlarga ko`ra, jabrlanganlar yo`q, sabablar aniqlanmoqda.
