2017 yilning 19 sentyabr kuni, ichki ishlar idoralari xodimlari tomonidan o`tkazilgan “Qora Dori-2017” tadbiri davomida, Bektemir tumani hududida, fuqaro Murtazin Vladimir Yunisovich, uyida qonunga xilof ravishda, 2 tup «nasha» giyohvandlik vositasini ekib, etishtirayotganligi aniqlangan.
Mazkur holat yuzasidan Bektemir tumani IIB huzuridagi Tergov bo`limi tomonidan O`zbekiston Respublikasi JKning 270-moddasi 1-qismi (taqiqlangan ekinlarni qonunga xilof ravishda ekish va etishtirish) alomatlari bilan jinoyat ish qo`zg`atilgan, deb xabar qiladi Toshkent shahar ichki ishlar boshqarmasi.
Hozirda dastlabki tergov harakatlari davom ettirilib, uning boshqa jinoyatlarga aloqadorligi tekshirilmoqda.