Qoraqalpog`iston Respublikasining Taxiatosh tumani huquq-tartibot idoralariga mahalliy tadbirkor D.G.ning Nukus shahridagi savdo majmuasida joylashgan do`konidan sotuvga qo`yilgan kiyim-kechaklar o`g`irlab ketilganligi to`g`risida murojaat kelib tushdi. Tezkor qidiruv ishlari natijasida jinoyatchi shaxsi aniqlandi.
O`zingdan chiqqan baloga qayga borasan davoga, deganlaridek, qing`ir ish ushbu savdo majmuasida ishlovchi J.R. tomonidan sodir etilgan ekan.
Ayni paytda mazkur holat yuzasidan O`zbekiston Respublikasi Jinoyat Kodeksining 169-moddasi asosida jinoyat ishi ko`zg`atildi.
