2018 yil 18 yanvar kuni Qozog`iston Respublikasi Aqto`be viloyati Irgiz tumanida avtobusning yonishi sodir bo`ldi, yong`in natijasida 52 fuqaro halok bo`lgan va 5 nafari jabrlangan. Dastlabki ma`lumotlarga ko`ra, yo`lovchilarning ko`pchilik qismini O`zbekiston fuqarolari tashkil etadi, deyiladi O`zbekiston Respublikasi Favqulodda vaziyatlar vazirligi xabarnomasida.
O`zbekiston Respublikasi Prezidenti Shavkat Mirziyoevning topshirig`iga ko`ra Bosh Vazir boshchiligida maxsus Hukumat komissiyasi tashkil etildi. Uning tarkibiga Tashqi ishlar, Favqulodda vaziyatlar, Ichki ishlar, Sog`liqni saqlash vazirliklari va boshqa idoralarning vakillari kiritilgan.
Maxsus Hukumat komissiyasiga Qozog`iston vakillari bilan hamkorlikda sodir bo`lgan favqulodda vaziyat sabablarini o`rganish, mamlakat fuqarolari shaxsini aniqlash vazifalari yuklatildi.