Texas shtatidagi Bomont federal qamoqxonasi mahbusi bo`lgan qochoqni qo`lida egulik solingan qog`oz idish bilan qo`lga tushirishdi, deb xabar berdi RIA Novosti nashri.
Bu haqda AQShning Jefferson okrugi sherifi "Facebook"dagi sahifasida izoh qoldirdi.
Polisiyachilar qamoqxonadan bir nechta mahbus qochgani, ular qo`shni ranchoda to`xtagan begona yukmashinadan kontrabanda mahsulotlari xarid qilib, yana ortga qaytgani haqida xabar oladi.
Shundan so`ng qamoqxona xizmatchilari videokuzatuvni kuchaytirdi.
Polisiya qo`ygan tuzoqqa dallaslik Joshua Xansen tushib qoldi. 25 yoshli mahbus giyohvand moddalar oldi-berdisi bilan shug`ullangani uchun ozodlikdan mahrum etilgan edi. Qochoq Joshuani polisiyachilar qayta hibsga olib, kamerasiga jo`natishdi.
Qochoq mahbuslar ishi yuzasidan surishtiruv-tergov ishlari olib borilmoqda.
