Buxoroda “Damas” avtomashinalaridan o`g`rilik sodir qilgan 2-guruh nogironi qo`lga olindi.
Buxoro shahar, M.Payraviy ko`chasi, 54-uyda yashovchi, 1996 yilda tug`ilgan, 2-guruh nogironi Islamov Shahbozbek Shuhratovich qarovsiz qoldirilgan avtomashinalarni tunashda anchagina tajriba orttirganlardan.
U Buxoro shahar, A.Aleyxum ko`chasi, 4-uyda yashovchi, 1965 yilda tug`ilgan Sulaymon Sadullaevga tegishli bo`lgan, Abu Hafs Kabir masjidi yonida turgan “Damas” rusumli avtomashinaning orqa tomon oynasini rezinadan ajratib olib, old tomon yo`lovchi eshigini ochib, o`rindiqda turgan 1.600.000 so`m miqdordagi naqd pullarini o`g`irlab ketganligi aniqlandi.
Mazkur holat yuzasidan Sh.Islamovga nisbatan O`zbekiston Respublikasi Jinoyat Kodeksining 169-moddasi 3-qismi bilan jinoyat ishi qo`zg`atilgan. “Chapdast” yigitning kar va soqovligi tufayli, uning bilan olib borilayotgan tergov harakatlari mutaxassis yordamida amalga oshirilmoqda.
