Vazirlar Mahkamasining 6.03.2018 yildagi 180-son qarori bilan Davlat maktabgacha ta`lim tizimi xodimlari mehnatiga haq to`lash va ularni moddiy rag`batlantirish tartibi to`g`risidagi nizomga o`zgartirishlar kiritildi.
Eslatib o`tamiz, Prezidentning 28.02.2018 yildagi PQ–3571-son qarori bilan maktabgacha ta`lim muassasalari xodimlarining ish haqini 2 bosqichda: joriy yilning 1 martidan va 1 sentyabridan oshirish nazarda tutilgan.
Norma’ning yozishicha, ish haqi oshirilishini hisobga olgan holda, 1.03.2018 yildan MTM mudiri va xodimlarining mehnatiga haq to`lash bazaviy tarif stavkalari quyidagicha:
Lavozim nomi | Bazaviy tarif stavkasi miqdori (so`m) | |||||
oliy malaka toifali | birinchi malaka toifali | ikkinchi malaka toifali | oliy ma`lumotli |
o`rta maxsus (kasb-hunar) ma`lumotli | ||
Til bo`yicha o`qituvchi, o`qituvchi-logoped, o`qituvchi-defektolog | 1 169 857 | 1 090 244 | 1 013 420 | 939 660 | 868 863 | |
Tarbiyachi-metodist, tarbiyachi, psixolog | 1 090 244 | 1 013 420 | 939 660 | 868 863 | 802 296 | |
Musiqa rahbari | 959 397 | 882 590 | 808 840 | 738 464 | 671 538 | |
Tarbiyachining yordamchisi, shu jumladan umumiy o`rta ma`lumotlilari | 610 164 | |||||
Mudir | 9 ta va undan ortiq guruhlari mavjud MTMlar | 8 tagacha guruhlari mavjud MTMlar | ||||
1 169 857 | 1 090 244 | |||||
Endi jismoniy yoki psixik rivojlanishida nuqsoni bo`lgan bolalar uchun ixtisoslashtirilgan davlat MTMlarining tarbiyachilarining yordamchilariga bazaviy tarif stavkasiga 50% miqdorida qo`shimcha haq to`lanadi.
Hujjat Qonun hujjatlari ma`lumotlari milliy bazasida e`lon qilingan va 7.03.2018 yildan kuchga kirdi.
