Bugun poytaxtimizdagi “Turkiston” saroyida jurnalistika sohasida eng yuksak mukofot – “Oltin qalam” XIII Milliy mukofoti uchun xalqaro tanlov g`olib va sovrindorlarini taqdirlashga bag`ishlangan tantanali marosim bo`lib o`tmoqda, deb xabar bermoqda O`zA.
Marosim boshida tashkiliy qo`mitaning tanlovga tayyorgarlik ko`rish va uni o`tkazish sohasida olib borgan ishlari, jumladan, tanlovga topshirilgan materiallar va ularni baholash jarayoni haqida qisqacha axborot berildi.
“Oltin qalam” XIII Milliy mukofoti uchun xalqaro tanlovida bu yildan boshlab Bosh milliy mukofot berilmaydigan bo`ldi.
Ma`lumot uchun: bu yilgi tanlovda 523 jurnalist 7100 ijodiy ishi bilan qatnashdi. Shu kungacha 80 nafar jurnalist qator xalqaro tashkilotlar mukofotlari bilan taqdirlangan.
