Janubiy Koreya rahbari tinchlik masalasida Yaponiyadan umidvor

Koreya Respublikasi prezidenti Mun Chje In "Iomuri" gazetasiga bergan intervyusida Yaponiyani Shimoliy Koreya bilan munosabatlarni yaxshilashga chaqirdi.

Mun Chje Inning ta`kidlashicha, mintaqada tinchlikni ta`minlash uchun avvalo Yaponiya va Shimoliy Koreya o`rtasidagi muloqotni tiklash lozim. Va bu Koreya yarim orolini yadroqurolsizlantirish jarayonidan oldin boshlanishi kerak. Qolaversa, yaqinda bo`lib o`tgan Koreya davlatlari sammitida ham KXDR rahbari Kim Chen In istalgan vaqtda Yaponiya bilan muloqot o`tkazishga tayyor ekanini bildirib o`tgan.

Koreya Respublikasi rahbarining so`zlariga ko`ra ayni damda Koreya yarim orolida ijobiy ma`noda "global-tarixiy yoriq" (Mun Chje In KXDR bilan bog`liq mintaqaviy muammolarning siljiy boshlaganini nazarda tutmoqda) boshlangan. Jarayonning davom etishida esa Yaponiya muhim rol o`ynaydi. Shu boisdan u Koreya yarim orolida tinchlik va xavfsizlik to`la-to`kis ta`minlanishida Yaponiyaning faol qo`llab-quvvatlashi va hamkorligiga umid bog`laydi.