“O`zbekkino”Milliy agentligi buyurtmasi bilan taniqli yozuvchilar va zamondoshlarimiz hayoti va faoliyatiga bag`ishlangan “Said va Saida” nomli badiiy filmi ishlanmoqda.
“Cinema-servis” MChJ tomonidan ishlab chiqarilayotgan ushbu badiiy film stsenariy muallifi – Nodira Husanxo`jaeva, postanovkachi rejissyor – Nozim Abbosov.
Filmda yozuvchi Said Ahmadning tuhmat bilan qamalishi, qatag`on qilinishi hamda rafiqasi Saida Zunnunovaning sadoqati bilan bog`liq voqealar, ularning o`zaro yozishmalari, hayotiy voqealar aks ettiriladi.
Hozirda ijodiy guruh suratga olishga tayyorgarlik ishlarini olib borish bilan birga, filmdagi bosh rollarni ijro etadigan aktyorlar uchun kino-sinovlar o`tkazmoqda.
Filmning tasvirga olish ishlari 2018 yilning iyun oyida boshlanadi.
